SVART Á HVÍTU

Stockholm design week

2012-02-10T23:24:00.001Z

Það er bara eitt orð yfir þessa borg. ÆÐI.

Mig langar helst að búa hér.

Það er endalaust fínerí að sjá og skoða, en það eru nokkur ljós sem hafa heillað mig mjög mikið.

Light Tray er samstarfsverkefni á milli Daniel Rybakken og Andreas Engesvik.

Enlightened eftir Mattias Stenberg eru falleg ljós sem líta þó út eins og vasar.

Light Jars eftir Kristine Five Melvær eru ljós sem setja má persónulega hluti í.

Ég er ekki frá því að Stokkhólmur sé að skríða í toppsætið yfir bestu borg sem að ég hef heimsótt.

Einn dagur eftir, best að nýta hann sem allra best:)

Maassen & Sons

2012-02-07T13:38:00.002Z

Lucas Massen er hollenskur hönnuður sem að hannar húsgögn í samstarfi við þrjá unga syni sína.

Þó eru til lög sem koma í veg fyrir að börn séu höfð í vinnu, en samkvæmt þeim mega þeir þó vinna í 3 klst á viku. Og þessvegna þurfa þeir að hafa hraðar hendur!

Yndislega fallegt,

Hægt að skoða meira HÉR

Carl Kleiner

2012-02-05T23:28:00.000Z

Carl Kleiner er mjög flottur sænskur ljósmyndari, myndirnar hér að ofan eru úr matreiðslubók Ikea og slógu þær svoleiðis í gegn að Ikea bað hann nýlega að stýra öðrum ljósmyndaþætti.

Hann lætur þetta líta svo girnilega út.. bökunarhráefni og eldhúsáhöld.

mmmm

DIY kalkmáling

2012-02-02T22:11:00.000Z

Samkvæmt Martha Stewart er minnsta mál í heimi að búa til sína eigin kalkmálingu.

En venjulega er bara hægt að kaupa svarta útí búð!

Þvílíkt fínerí að mála vegg í fallegum pastellit og nota sem krítarminnistöflu.

LimeCrime.

2012-02-02T16:34:00.000Z

Ég og Agla vinkona mín vorum að panta okkur varaliti frá Limecrime.

Ég er þó ekki með svona djúsí varir, kannski 1/10 af þeim.

En frekar fínn litur samt?

Svaka flottir litir í boði og góð gæði í þokkabót.

Meira HÉR

Þriðjudags.

2012-01-31T15:43:00.002Z

iitalla glerbox. ég gaf þeim nýtt heimili á útsölunni í epal.

ooo

2012-01-31T15:43:00.000Z

Nokkrar staðreyndir um SÁH.

Lesendur eru 93% konur og 7% karlar.

Þeir búa flestir á Íslandi, þar eftir kemur Danmörk, USA, Noregur, Svíþjóð, Bretland.

Flestir búa í Reykjavík, þar eftir kemur Selfoss, Kópavogur, Akureyri, Köben, Akranes, Keflavík, Vestmanneyjar.

41% lesenda eru á aldrinum 25-34 ára, 29% eru á aldrinum 18-24 ára, 11% 35-44 ára, 7,6% 45-54 ára.

Þessar upplýsingar fann ég í gegnum facebook like-síðuna.

Finnst voða gaman að vita hver þið eruð:)

Eru strákar ekki jafnmikið að skoða blogg, eða er ástæðan sú að þeir hafi hreinlega bara lítinn áhuga á hönnun og fínum heimilum?

help.

2012-01-30T22:20:00.002Z

Ég er ennþá að syrgja neon lampann minn sem brotnaði í síðustu flutningum,

Hvar í ósköpunum er hægt að kaupa svona fínerí?

gamli minn, sem að ég sakna.

Hver er orginal? #2

2012-01-30T15:46:00.002Z

Pælingar..

Hani, Krummi, Hundur, Svín eftir Hár úr hala -2011

Hani, Krummi, Hundur, Svín eftir Arca Studio -2011 stuttu eftir útkomu efri vörunnar.

Tré eftir Katrínu Ólínu -2003

Skapi -2009

Hrafn Gunnarsson -2006

Hrím -2010

Það er mjög erfitt að tala um hvað er kópering og hvað ekki. Að sjálfsögðu á oft við að hönnuðurinn hafi ekki séð áður útkomna vöru og hún sé 100% upprunarleg hönnun. Við verðum fyrir áhrifum úr umhverfinu og það er ekkert óeðlilegt við það að tveir aðilar detti á sömu hugmynd. Í raun er það fullkomlega eðlilegt.

En Ísland er svo ofsalega lítið, hvað þá íslenskur hönnunarmarkaður.

Ef maður hefur áhuga á hönnun eða jafnvel starfar sem hönnuður er ólíklegt að þú þekkir ekki markaðinn eins og handabakið á þér. Þú veist hvað hefur verið gert og hver gerði það.

Hver er orginal? #1

2012-01-30T14:29:00.003Z

Boym Partners-2010

Ibride-2008

Isolation unit-2008

Allt saman skálar/ílát sem stafla má upp í vasa.

Núna þegar að lokaverkefnið mitt nálgast skuggalega hratt spyr ég mig stundum afhverju ég vilji vera hönnuður? Það hefur svo margt verið gert, tala nú ekki um umhverfisleg áhrif af því að hanna enn einn vasann og enn einn stólinn. Og ef að eitthvað hefur ekki verið gert, og ég fæ góða hugmynd, eru allar líkur á því að einhver út í heimi er að hugsa nákvæmlega það sama eða mun detta sama hugmynd í hug.

úff.. hefði ég kannski bara átt að verða innanhússhönnuður?

Finnsdottir keramik

2012-01-29T20:58:00.001Z

Ég rakst á keramik frá Þóru Finnsdóttir í Mýrinni í dag, hef þó nokkrum sinnum rekist á umfjallanir um hana í tímaritum og á internetinu en aldrei séð gripina "live".

Þvílík fegurð!

Þóra útskrifaðist frá DanmarksDesign skólanum árið 2009 og hefur verið að gera það gott í Danaveldi síðan þá. Hún hannar vasa, kertastjaka, lampa og hálsmen svo fátt eitt sé nefnt.

Ég veit þó ekki til þess að keramikið sé selt á fleiri stöðum en Mýrinni?

En fallegt er það.

Íslensk hönnun í Stokkhólmi.

2012-01-27T15:42:00.002Z

Það styttist óðum í hönnunarsýninguna í Stokkhólmi sem ég er á leið á.

Netagerðin er eitt fjögra fyrirtækja sem var valið af Íslandsstofu til að taka þátt á þessari virtu sýningu, en hún samanstendur af nokkrum ólíkum hönnuðum og hönnunarteymum, Bryndísi Bolla, Stáss, Siggu Heimis og Volki.

Hér að ofan er brot af því sem þær verða með til sýnis, og það verður spennandi að sjá þetta allt saman!

Hver eru samt hin þrjú fyritækin sem ætla líka að sýna? hmmm

En spenningurinn er kominn í hámark, og gisting komin þökk sé yndislegum blogglesanda!

Núna er það bara að telja niður:)

Not-Knot púðar

2012-01-25T11:07:00.003Z

Þessir æðislegu púðar eru eftir vöruhönnuðinn Ragnheiði Ösp Sigurðardóttir.

...

Hægt að skoða fleiri verk eftir hana HÉR.

Fínt fínt fínt

Kisan.

2012-01-25T00:00:00.001Z

Eins og þið hafið kannski tekið eftir þá hætti Kisan í lok 2011.

Búú

En það er þó búið að finna nýtt heimili fyrir nokkrar vörurnar, fallegu dýralamparnir hafa eignast nýtt heimili í GK Reykjavík. Og yndislegu dýrapúðarnir eiga núna heima í Epal.

Bara fyrir ykkur sem voruð að leita:)

Snagar & Fatahengi

2012-01-23T22:31:00.004Z

Ég er að kunna að meta þessi fatahengi frá Bjöss.

meira HÉR

Dj Pil Marques

2012-01-23T12:37:00.001Z

Fallegt eldhús, leirtau frjálslega stillt upp og mörgæsir og krummar fá hilluplássið í staðinn.

Fölbleiki veggurinn tónar sérstaklega vel við svörtu gardínurnar og vegginn.

Þessar myndir eru frá heimili DJ Pil Marques tekið frá Yatser.com

Ótrúlega skemmtilegt safn af dóti, listmunum, vintage húsgögnum, og öðrum hressandi hlutum.

Litavalið á veggjunum er einstakt, en er í algjörum takt við innbúið.

B A C K

2012-01-19T22:07:00.001Z

BA ritgerð - check!

Og ég er komin aftur á netið eftir að hafa fengið nokkrar skammir fyrir undanfarna bloggleti,

en þó er desktopið mitt að stútfyllast af fallegum myndum, svo þið heyrið í mér mjög fljótt aftur!

Fallegt og einfalt viðarborð - með bleikum máluðum löppum

Trylltur DIY vaskur

Fallegt eldhús með ljósi og vaski úr hitalögnum.

Fallegt origami ljós / loftskraut

Og síðast en ekki síst fallegur skyrtulampi.

Og enn eitt ..

Ég elska að auglýsa e-ð hér.. þó tengist það oftast sjálfri mér:)

Í þetta skiptið er ég að leita að gistingu í Stokkhólmi fyrir mig og Sigrúnu vinkonu mína.

Við erum á leiðinni á Stockholm design week frá 8-12 febrúar og okkur vantar sófa til að gista á:)

Þarf ekki að vera allar næturnar, jafnvel bara 1.

Ef þú veist um sófa fyrir 2 ljúflinga.

Sendu mér línu:)

X Svana

Teppahugleiðingar

2012-01-10T13:10:00.001Z

Svefnherbergisgólfið mitt er á góðri leið að vinna verðlaun fyrir ljótasta gólf heims.

Mig dreymir um stórt og fallegt teppi til að fela rauðbrúna ófrágengna gólfið.

Helst eitthvað í þessa átt:

Og svo er þetta líka frekar fallegt.

Ég hlít að geta nálgast gamalt "persneskt" teppi í geymslum fjölskyldunnar @mútta mín?

Það væri draumur í dós.

En yfir í annað og töluvert mikilvægara:

Elskulega nýútskrifaða masterverkfræði gáfnaljósið mitt hún Agla Friðjónsdóttir er að leita sér að draumaleiguíbúð fyrir sig og verkfræðingaunnusta sinn.

Ég væri ekki að skrifa þetta hér ef hún væri ekki hinn fullkomni leigandi!

Hjúin eru að verða heimilislaus, og eins og margir vita er leigumarkaðurinn í dag ekkert grín.

Sendu henni línu ef þú veist um e-ð gott stöff á ; aglafridjons@gmail.com

yfir og út. Svana:)

AHH

2012-01-10T00:05:00.000Z

Veggskraut gert með neon teipi.

Neon á hvert heimili.

Yndisfagurt borð frá Jo Nagasaka.

Lampi frá Adonde

Skemmtilegt stofuborð frá Emmanuel Laffon de Mazières

En jæja þá er BA.ritgerðar bugun hafin.

Hrikalega stutt eftir og ég er að eyða tímanum mínum í að blogga og annan óþarfa:)

...

Sasa clock

2012-01-07T15:05:00.001Z

Þessi yndisfagra klukka kom fyrir jólin í Spark, Sasa clock eftir Þórunni Árnadóttur vöruhönnuð.

Klukkan hvetur þig til að slaka á og leyfa tímanum að líða,

Á meðan að hjólið snýst hægt og rólega dettur perla niður á 5 mínútna fresti.

Hver perla táknar 5 mínútur

Og hvít perla táknar klukkutíma,

Gyllta og silfur perlan táknar miðnætti og hádegi og til að vita hvað klukkan er þarftu að finna aðra hvora perluna og telja frá henni klukkutímana og svo mínúturnar.

Falleg íslensk hönnun!

2012-01-03T00:18:00.002Z

Ef þú veist ekki þegar hvað Pinterest er þá mæli ég með því að sækja um aðgang núna.

Þetta er ein mesta snilldarsíða sem fundin hefur verið upp, en Pinterest er staður þar sem þú getur fundið endalaust af ljósmyndum og innblæstri og flokkað í albúm til að geyma fyrir síðar.

Pinterest er samt RISA stór síða svo það er heill hellingur af ljótu drasli þar.. en hægt er að fylgja fólki sem hefur svipaðann smekk og maður sjálfur og útilokað því allar myndirnar sem höfða ekki til manns.

Þar er hægt að finna uppskriftir, diy, tísku, list og reyndar allt á milli himins og jarðar.

Þetta sparar mér heilmikið pláss á desktopinu þar sem myndirnar mínar hafa áður átt heima.

HÉR er mín Pinterest síða..

"Fylgdu" mér:)

En fyrir þá sem ekki ætla að fara á Pinterest þá set ég inn sömu myndir þar og hér.

En PS. -Gleðilegt nýtt ár!

Ég setti mér nýársheiti eins og vonandi flestir aðrir.

Nr.1- Ég ætla að taka mig í gegn og fara í heilsuátak

Nr.2 - Ég ætla að fá mjúka húð - er eins og þurr fiskur núna

Nr.3- Ég ætla að rúlla skólanum upp og fara svo til útlanda!

Og fleira var það ekki, núna verð ég víst að standa við þetta þar sem þið vitið öll nýársheitin mín.

Settir þú nýársheit?

Áramóta DIY

2011-12-29T17:11:00.000Z

Fallegt confetti skraut fyrir partýið eða matarborðið úr silkipappír.

Svo rakst ég á snilldar DIY áðan, geómatrísk skál/box undir hvað sem er:)

Frekari leiðbeiningar HÉR

Fallegt?

♡

2011-12-29T17:05:00.002Z

Myndir frá Pinterest

Bleikt og fínt.

Snilld frá Smartlandi.

2011-12-27T22:42:00.001Z

Var að rekast á þessa snilld hjá Mörtu á Smartlandi áðan...

Video-ið má sjá HÉR

Svona fínerí þarf alls ekki bara að vera notað um jólin!

DIY í jólafríinu

2011-12-27T22:01:00.004Z

Hér eru hugmyndir af DIY fyrir þá sem liggja með tærnar uppí loftið í jólafríinu og vantar eitthvað að gera.

Þetta lúkkar of skemmtilega, að líma vaxliti á striga og hita svo með hárblásara...

Það þarf að sjálfsögðu ekki að skella öllum regnbogans litum sem koma úr kassanum. En velja vel liti sem henta vel fyrir ykkar heimili:)

Það kemur vel út að teipa annaðhvort veggi eða borð í flottum litum og poppa upp á illa farin húsgögn!

Ég hefði t.d ekkert á móti röndóttum vegg í forstofuna en ég má ekki mála, svart teip á hvítann vegg þá.

BA ritgerð hvað?

Ég er farin að föndra.

+++

2011-12-27T21:49:00.001Z

Random myndir úr tölvunni minni.

Vonandi eruð þið að njóta jólafrísins eins vel og ég:)

-Svana

****

2011-12-24T11:57:00.002Z

Gleðileg jól elsku lesendur.

Takk fyrir að lesa.

Jólakveðja, Svana.

Fallegt danskt heimili um jólin.

2011-12-23T00:41:00.003Z

Heimilislegt heima hjá danska stílistanum Charlotte Østergaard.

Heimilið er 172 fermetrar og þar má sjá allskyns fínheit sem hún hefur sankað að sér.

Charlotte teiknaði sjálf bleika krossinn á hvítu diskana.

Borðið lét Charlotte sérsmíða fyrir sig og Sjöurnar eftir Arne Jacobsen njóta sín vel.

Rauð pappageit frá Afríku skreytir eldhúsið, geitin var svo spreyjuð í neon lit til að poppa út í annars svörtu eldhúsi. FÍNT.

Bourgie lampinn

Falleg forstofa, klikkaður flísalagði veggurinn, litaðar ljósasnúrur, og svo er búið að spreyja Ikea rókókó rammann og setja spegil í. Fallegt.

Myndir teknar frá Bolig Magasinet.

Frekar fínt heimili?

Íslenskt fínerí

2011-12-19T11:09:00.000Z

Þórunn Árnadóttir

Ingibjörg Hanna.

Hvernig hlutum er raðað.

2011-12-19T10:50:00.000Z

Það safna allir eitthverju.

Mér þykir ótrúlega gaman að raða hlutum, alveg merkilega skemmtilegt.

Hvar hvað á að vera og afhverju, passar það þá við þennan hlut og so on..

Svo það myndi fallega heild...

Eru ekki fleiri svona en ég?:)

Falleg rúmföt frá HAY

2011-12-19T10:19:00.000Z

Og jú, enn held ég áfram að dásama HAY.

Þetta efsta er aðeins of fínt.

Litur ársins 2012

2011-12-16T14:17:00.002Z

Hvert ár velur Pantone litakerfið lit ársins og næsta ár mun liturinn vera:

Appelsínugulur!

Eða réttara sagt Pantone 17-1463.

En mig langaði að þakka ykkur fyrir viðbrögðin við blogginu hér að neðan.

Þvílík viðbrögð, en þó ekki allir par sáttir að ég skyldi nota þeirra hönnun sem dæmi.

Þetta var ekkert illa meint, bara til að vekja upp þarfa umræðu:)

Oversized leðurjakki

2011-12-16T14:03:00.000Z

Er ykkur ekki sama þó ég komi með nýtt blogg?

Greinin hennar Svönu hefur vakið fáránlega athygli og ég held að heimsóknafjöldinn okkar hafi milljón faldast!

Ef þú ert ekki búin að lesa hana mæli ég með því að þú fléttir aðeins neðar:)

Að öðru...

Nú sé ég ekki annað en oversized leðurjakka

Ég á eftir að finna minn eina sanna, öll tips vel þegin, ég gefst ekki upp :)

Rakel

Hönnunarkópýur?

2011-12-13T18:43:00.002Z

Ég er þessa stundina að vinna að lokaritgerðinni minni sem fjallar að miklu leyti um upphaf hugmynda og viðhorfsmun íslendinga þegar kemur að hönnunarstælingum.

Þetta er ótrúlega loðið mál og erfitt að komast að einni niðurstöðu og flakka ég sjálf fram og til baka, ég byggi ritgerðina að miklu leyti upp á viðtölum við áhrifafólk í hönnun á Íslandi ásamt ýmsum greinum og bókum. Þessum degi eyddi ég með Gunnari Magnússon húsgagnahönnuði og Eyjólfi Pálsson í Epal sem hafa t.d gjörólíkar skoðanir á þessu máli.

Er íslensk hönnun einungis samblanda af öðru sem áður hefur sést, og er það þá ástæða þess að erfitt er að skilgreina hvað íslensk hönnun er? En við jú vitum flest hvað dönsk, ítölsk og hollensk hönnun er!

Það ríkir mjög sterk sjálfsbjargarviðleytni í okkur íslendingum og vilja margir gera allt sjálfir. Og þegar skoðað er í verslunum eitthvað sniðugt heyrist oft í fólki "tjahh ég get nú alveg gert þetta sjálf" og þau hika ekki við að fara heim og búa hönnunina til sjálf og sýna jafnvel stolt á netinu.

Hér má sjá til vinstri hálsmen eftir Hlín Reykdal sem hefur verið selt í nokkurn tíma í Kiosk.

Og til vinstri má sjá hálsmen sem ég fann á facebook eftir konu út í bæ.

Hér er í báðum tilvikum búið að lita trékúlur og blanda saman á skemmtilegann hátt og þræða upp á borða. Er þarna verið að stæla hönnun Hlínar án þess að geta í heimildir, eða er þetta fullkomnlega eðlilegt þar sem þetta er jú bara hálsmen búið til úr trékúlum sem fást í Litir og Föndur?

Hér má sjá Drottinn blessi heimilið mynd sem finnst á mörgum heimilum útsaumað eða málað.

Ólöf Jakobína gerir það að sínu og hannar vegglímmiða, sama skrift og sama setning.

Nýlega hófu mömmur.is sölu á álíka vegglímmiðum og þeim til varnar segja þær að það geti enginn eignað sér þessa hönnun? Þetta er jú bara "Drottinn blessi heimilið" sem til er á mörgum heimilum nú þegar.

Hér má sjá að ofan sófa sem Guðrún Lilja hannaði árið 2006 fyrir Kjarvalstaði og sófann fyrir neðan hannaði Hella Jongerius árið 2005. Sófarnir hafa í nokkurn tíma vakið smá undrun hjá þeim sem vel þekkja til í hönnun á meðan aðrir dásama þennann fallega sófa sem finna má á listasafninu.

Guðrún Lilja hannar hann augljóslega undir nokkrum áhrifum frá Hellu enda var hún nemandi hjá henni fyrir nokkrum árum síðan. Hún segist þó alfarið hafa hannað sófann út frá Kjarval sjálfum og arkitekt safnsins en einnig horft til Hellu sem er jú frábær hönnuður.

En hvar liggja þá mörkin? Er í lagi að hanna eitthvað sem áður hefur verið gert ef það er komið í nýjann búning?

Hér má sjá til hægri Hoch die Tassen hábollana eftir Hrafnkel Birgisson sem hefur verið hannaður í nýjum búning um heim allann. Að skeyta saman bolla og glasi er kannski ekki hans hönnun en er þó hans hugmynd. Má þá stæla hans hugmynd því hver sem er getur nálgast gamalt postulín og glös og leikið sér með lím?

Það virðist líka fara nokkuð eftir hentugleika hvenær má stæla og hvenær ekki!

Hér má sjá Krumma eftir Ingibjörgu Hönnu (hannað f.nokkrum árum síðan)

Og ég blandaðist í gær inní umræður á facebook síðu Lakkalakk systra sem var einmitt um hönnunarstælingu og þá á Krumma hálsmenum.

Að ofan má sjá RIM design sem kemur með sýna útfærslu af krummanum í hálsmen og vegglímmiða. Hannað 2008.

Hér að ofan má sjá Fóu Feikirófu með sitt krummahálsmen gert árið 2010.

Það sem ég sé er að í öllum tilvikum má nálgast svipaða krumma á netinu eða úr bókum, því fuglinn lítur jú nokkurnveginn svona út og það er enginn að segja mér að hann hafi hannað Krumma sjálfann. Og því er erfitt að eigna sér hönnunina sem sjá má hér að ofan? Eða hvað?

Fyrir þá sem þekkja hönnun vel hafa kannski tekið eftir Egginu eftir Arne Jacobsen sem finna má í 66 gráður norður á Bankastræti, en ekki allir vita að Arne Jacobsen hannaði Eggið aldrei í barnastærð! Sem þýðir bara það eitt: að okkar fremsta hönnunarmerki er með "stolna" hönnun til sýnis í búðinni sinni. Og ég efast ekki um að þau myndu ekki vera sátt ef dönsk búð væri með kópýur af flíspeysunum þeirra til sýnis í sinni verslun. Eða hvað?

Annað svona dæmi sem fáir vita af er að í Listasafni Reykjavíkur má finna ógrynni af Sjöum sem hannaðar eru af Arne Jacobsen. En þeir sem auga hafa fyrir sjá vel að inn á milli stólanna má sjá eftirhermur af stólunum... ekki marga, en þeir eru þó þarna í bland:) Listasöfn berjast fyrir því að ekki séu fölsuð málverk í umferð, en eiga aðrar reglur við þegar kemur að hönnun?

En eins og áður sagt, þá er þetta viðfangsefni svo ótrúlega loðið og virðist vera að hægt sé að teygja það og tosa í allar áttir svo henti að hverju sinni. En eitt er víst að ég mun eflaust ekki vera komin með niðurstöðu fyrr en daginn fyrir lokaskil.

En þó reyni ég sjálf sem vöruhönnuður að hafa eitt í huga sem kennarinn minn bendir iðulega á,

Að hanna ekki eitthvað sem er svo einfalt að hvaða föndurkona út í bæ geti gert nákvæmnlega eins!

Og það er hið fínasta mottó!

En eitt veit ég þó, að á Íslandi er mikill skortur á virðingu fyrir verkum hönnuða og á fólk auðveldara að brjóta á hugverkaréttindum en öðrum réttindum því þau halda að hönnuðurinn finni minna fyrir brotinu en ef þau myndu stela snyrtivörum í Hagkaup.

Ef þú hefur skoðun á þessu máli, endilega tjáðu þig!:)

x Svana

Mjúkt í jólapakkann?

2011-12-13T00:24:00.002Z

Það líður ekki sá dagur sem að ég leggst ekki undir verndarvænginn minn.

Vík Prjónsdóttir teppin er yndislega skemmtileg hönnun sem ætti að finnast á öllum íslenskum heimilum:)

HAY.

2011-12-12T21:47:00.001Z

Ég vildi vera góð við systir mína í dag og gaf henni mega falleg viskustykki frá HAY, en það virðist vera að allt sem þau senda frá sér er alveg fáránlega flott og það er ekkert grín en mig langar í allt frá HAY!

(OK jú ég fékk mér líka)

Það að eiga ekki uppþvottavél afsakar kaup á svona fallegum viskustykkjum.

Þessi fínheit fann ég í Epal.

Fóa Feikirófa

2011-12-12T10:36:00.003Z

Við eigum svo flinka vinkonu sem er að gera þessi flottu hálsmen fyrir jólin!

Hún Áslaug á heiðurinn af þessum hálsmenum en hún hannar vörur undir merkinu Fóa Feikirófa.

Krumminn hefur verið til sölu hjá henni frá byrjun 2010 en uglan og hornin eru ný.

Núna er í gangi leikur á facebook síðu Fóu Feikirófu þar sem hún er að gefa hálsmen :)

*Tilvalið í jólapakkann í ár*

! UPDATE !

Í dag voru úrslitin í hönnunarkeppni Lakkalakks tilkynnt og var hún Áslaug okkar sigurvegari í þeirri keppni!!

oohh við erum svo stoltar :)

Sunnudags DIY

2011-12-11T20:20:00.001Z

Fínt föndur fyrir þær sem eru búnar í prófum!

Það væri líka ekki verra að geta smellt svona í jólapakkann handa góðri vinkonu:)

via Pinterest

Það sem til þarf er band, öryggisnælur og litlar perlur!

-Svana:)

Á morgun verð ég svona:

2011-12-08T22:09:00.001Z

Þvílík hamingjustund þegar að jóla"fríið" byrjar á morgun!

Sem mun þó reyndar aðalega einkennast af BA skrifum:)

En hér er smá bland í poka frá desktop-inu mínu:

Fínt skartgripahengi/DIY úr plastdýrum.

Hverjum langar ekki að vera með gólf í fallegum lit!:) (fyrir utan Rakel sem neyðist til að vera með fjólublátt) Þetta hér að ofan er of pretty.

Og hverjum langar ekki að eiga GLIMMER klósett???

Finnst þetta fínt DIY, poppa upp gamla skyrtu með göddum eða öðru fínerí. Gaddar fást t.d í Hvítlist.

Þessi prjónaði trefill er æðislegur, verst að ég kann ekki að prjóna! En puttaprjón gæti mögulega gengið með þennann?

Og það síðasta í þessum langa "mig langar í" pósti þá eru það svona falleg hreindýrahorn sem ég get svo vafið svona fallega litríku bandi utan um:)

Jæja Svana... koma svo!

læra læra læra

Cuffs

2011-12-06T17:33:00.001Z

Þessar myndir eru ekki í stíl við Ísland í augnablikinu!

En mér finnst þetta bara svo fínt.

sweet

Ryan Gosling + Home

2011-12-04T15:20:00.000Z

Fann þessa snilld áðan á Apartment Therapy

Hann er jú heitur, en ég er ekki viss hvort mér takist að finna innblástur frá honum og nýta fyrir heimilið?

DIY snilld

2011-12-01T15:31:00.002Z

Myndir: Apartment Therapy

Það ætti ekki að vera erfitt að finna eina svona gamla ljósakrónu og spreyja í flottum lit.

Jú svo þarf reyndar líka að blikka einn handlaginn og láta skella í litaðri rafmagnssnúru í staðinn fyrir gömlu.

Endalaust fínerí.

kúl kúlur!

2011-11-30T22:49:00.001Z

Það er ekki eðlilegt hvað ég er búin að vera með kúlur mikið á heilanum. Er sjúk í að finna myndir á netinu af allskyns trékúludúllerí

Hér er lítið brot af safninu:

Þetta er aðeins of flott.

Mig langar að þræða trékúlur á allar rafmagnsnúrur í kring um mig og mála þær í flottum litum.

Mig langar líka að búa til fallegt hálsmen fyrir jólin og síðast en ekki síst búa til trékúlufatahengi!

trékúla trékúla trékúla trékúla

PS. hvar er hægt að kaupa stórar trékúlur í pokum?

(tjahh ef slíkt er hægt á Íslandi)

Self control.

2011-11-30T22:20:00.001Z

Afhverju verður skyndilega allt svo spennandi þegar maður á að vera að læra.

Mér var bent á SELF CONTROL forritið um daginn.

Og það er að bjarga mér. Seriously.

Blokkar út allann óþarfa, svosem facebook og fleiri tímaeyðslur:)

Þú velur hversu lengi í einu, ég á eftir 3klst eftir af mínu self control í kvöld.

Og einmitt þá verð ég farin að sofa.

Mæli meðessu!

Falleg íbúð í Mílanó

2011-11-29T18:11:00.001Z

Arkitektinn og hönnuðurinn Marco Romanelli býr í þessari flottu íbúð í Mílanó.

Góð blanda af skandinavískum stíl og ítölskum, en of mikið af ítölskum stíl getur verið yfirþyrmandi!

Teppi eftir Laudani&Romanelli og veggmynd er heimskort sem hann fann á flóamarkaði og rammaði inn í bútum.

Kemur virkilega vel út!

Fallega raðað í hillurnar

Blanda af svörtu og hvítu einkennir alla íbúðina

Myndir: MarieClaireMaison

SPARK í dag.

2011-11-28T22:26:00.001Z

SPARK er komið í jólabúning.

Mátti til með að taka nokkrar myndir í dag af fíneríinu sem til er núna:)

Það var rólegt að gera svo ég gat verið að leika mér að raða púðum í fallegasta sófa veraldar.

Púðar: Scintilla eftir Lindu Björg Árnadóttir

Ýmislegt annað: Vík Prjónsdóttir, Company, Katrín Ólína, María Kristín, Andrea Maack og ljúffengt skyrkonfekt.

Fínt fyrir heimilið!

2011-11-28T13:04:00.001Z

Velkomin heim til Teddu sem er bekkjarsystir mín.

Mér finnst þetta svo skemmtileg hugmynd hjá henni, nokkur lituð blöð úr Litur & Föndur klippt til og hengd upp með kennaratyggjó!

Ódýrt og flott veggskraut!:)

Helgarmix

2011-11-26T13:21:00.001Z

Þessir leðurpokar eru svo fallegir. Bónusinnkaupapokar hvað?

Eru frá Baggubag.com

Fallegt skart.

Fínt ... reglustika og penni= fallegt veggskraut

ps...það kom smá umfjöllun um bloggið í Nýju Lífi núna í vikunni. Voða skemmtilegt!

Og svo langar mig líka að benda á afmælis og aðventuafslátt í GK í dag. Það er komið ár frá eigendarskiptum verslunarinnar (og fyrsta sinn frá því að ég steig fyrst inní búðina hehe) Og í því tilefni er 20% afsláttur af WON HUNDRED SUIT og BEST BEHAVIOR!
:)

Flott heimili í São Paulo

2011-11-24T09:01:00.001Z

Í þessari töff íbúð í São Paulo býr arkitektinn og hönnuðurinn Mauricio Arruda.

Margt sem finna má í íbúðinni er hans eigin hönnun, en spilaborðið er mjög áhugavert!

Fínt fínt fínt.

Jæja. Lokaskil í skólanum á morgun. Best að fara að vinna:)

Krúttlegir púðar frá HAY.

2011-11-20T22:16:00.000Z

Ég er sjúk í þessa púða frá HAY.

Dot cushions og fást í Epal.

Facebook síður eða flóamarkaðir?

2011-11-20T21:58:00.002Z

Ég elska flóamarkaði og ég elska líka að gramsa í Kolaportinu og finna fjársjóði. Sumir af fallegustu og dýrmætustu hlutunum sem ég á fann ég einmitt á klink á slíkum stöðum.

Það halda sumir að þeir séu dottnir í lukkupottinn þegar þeir finna facebook síður sem selja vintage/retro hluti en vita þó ekki að einmitt þetta er að finna í Góða Hirðinum á 70% lægra verði.

Sumt sem er til sölu á þessum facebook síðum á nokkra þúsundkalla í dag sá ég einmitt á 500krónur í Góða Hirðinum fyrir 2 dögum síðan.

No joke.

Afhverju haldið þið annars að það sé reglulega röð fyrir utan GH nánast alla daga fyrir opnun?

Ef ég væri þú.. myndi ég eyða svona síðum af vinalistanum mínum og skreppa í bæjarferð í staðinn!

Það sem er í uppáhaldi hjá mér frá svona flóamörkuðum er t.d viðarvængir sem ég var að finna! Hef þó ekki hugmynd hvað ég ætla að gera við þá! (eru töluvert fallegri en þessi mynd af netinu)

Og svo tyggjóvélin sem slær í gegn hjá öllum krökkum sem koma í heimsókn:)

En þetta er bara brot af dótinu sem ég hef dröslað heim. Og það má líka finna t.d ýmsar hönnunarvörur á svona mörkuðum!

Kveðja Svana spæjó:)

skófínt

2011-11-19T11:15:00.000Z

Þessar tvær myndir náðu mér einhversstaðar á netrúntinum.

Mér finnst þetta alveg geggjað!

Nú er bara að finna armbönd sem komast utan um ökklann...? og það fyrir kvöldið!

Og þetta ekki síðra, einfalt DIY!

Gleðilegan laugardag! vona að helgin ykkar verði góð...

Jólahlaðborð í Perlunni er á dagskrá hjá mér og mínum þessa helgina, það getur ekki klikkað:)

L I T I R

2011-11-17T23:32:00.001Z

x-Svana

DIY snilld

2011-11-17T17:13:00.001Z

Frábær og einföld hugmynd frá Martha Stewart sjálfri!

Einföldum körfum dýft í málingu!

Snilld.

Og fínir skartgripir úr föndurleir

PS. langar að benda ykkur á tilboðskvöld í Epal á eftir frá 18-20, þar verða íslenskir hönnuðir á staðnum að kynna vörurnar sína. Og 15% afsláttur af öllum vörum!

DIY: Veggljós

2011-11-15T16:46:00.001Z

Með hillubera úr Ikea er hægt að búa til töff veggljós!

Svona hilluberar kosta undir þúsund krónur, þá þarf bara að redda flottri rafmagnssnúru+tengja og stinga í samband:)

Þessu er handmade: trélistar+sög+snúra+pera+skrúfur

via weekdaycarnival.blogspot.com

En ótrúlega einfalt og sniðugt!

-Svana

Svört eldhús

2011-11-14T20:35:00.003Z

Það er einhvað svo ótrúlega flott og elegant við svört eldhús.

Líka sniðugt að mála vegg með krítarmálningu til að krota á sæt skilaboð.

Númer eitt á listanum mínum þegar ég eignast mína eigin íbúð.

En það gleður mig mikið að Rakel ætli að byrja aftur að skrifa:) Hún ætlar aðalega að skrifa um tísku og ég áfram um hönnun og heimili.

Held þetta verði bara gaman:)

-S

Diamonds are forever.

2011-11-12T22:10:00.001Z

Geðbilað ljós. Martin Margiela.

Það er allt betra en að skrifa BA ritgerð á laugardagskvöldi.

Ég er allavega að gera allt annað en ég á að vera að gera:

Blogga

Raða í fataskápinn

Taka til

Fara út í sjoppu

Fletta í gegnum tímarit

Hengja upp skraut á veggi

Og leita af stöffi á ebay.

PRJÓNAÐ.

2011-11-11T15:30:00.000Z

Það er svo sannarlega hægt að prjóna ýmislegt annað en peysur.

armband, bollahulstur, nærföt, hnífapör, utan um ljósaskerma og vasa.

ANYTHING.

Himinháir tímaritastaflar

2011-11-09T23:29:00.002Z

Það er hægt að nýta tímaritin undir svo margt annað en að safna ryki.

Hægt að búa til fínar hirslur og nota svo sem hliðarborð!

En þetta er hinsvegar snilldar stofuborð!

Hannað af hinum hollenska Roderick Vos og heitir Vanity.

Agne Line Tetrault

2011-11-09T11:20:00.002Z

Agne Line Tetrault er iðnhönnuður sem vinnur mest með keramik.

Ótrúlega fallegir keramikbollarnir hennar með dýrum sem gægjast uppúr kaffinu:)

Fínheit úr 101 RVK

2011-11-08T23:24:00.001Z

Fallegir skór í sumargleðina.

Mikið er ég glöð með öll nýju merkin í GK

ONE HUNDRED og Flying A - Gæti hugsað mér að eiga alla kjólana frá þeim úff!

♥ Belgía

2011-11-07T08:56:00.003Z

Þessi íbúð er staðsett í elsta hluta Ghent, Belgíu.

Í íbúðinni eru engar hurðar að finna, eigandinn fílar ekki slíkt.

Bara flott húsgögn sem hann hefur sankað að sér úr ýmsum áttum!

Kemur vel út að blanda saman ýmsum stólum í þessari íbúð.

Tenka Gammelgaard & Flóamarkaður*

2011-11-04T20:38:00.002Z

Tenka Gammelgaard er þekkt sænsk listakona sem á ekki bara flott stúdíó heldur er íbúðin hennar líka mjög töff -en ekki hvað, enda erum við að tala um sænska píju.

Eins og sjá má er hún ansi röndótt hún Tenka, allt svart og hvítt.

Mér þykir þetta koma vel út enda augljóslega hennar persónulegi stíll þar sem að öll málverkin hennar eru líka röndótt. Tenka heldur úti bloggi og það má finna HÉR ásamt ýmsum röndóttum inspiration myndum.

En yfir í annað:

Á morgun kl.11.00 hefst Flóamarkaður á Eiðistorgi/Seltjarnanesi.

Ég hef farið 2x áður og þetta lofar mjög góðu, töluvert skemmtilegra en Kolaportið:)

Mæli meððí!

*update*

Það er nóg um að vera á morgun, var líka að sjá á Facebook að Pop up markaður er á Sólon kl.12.00 mmm skemmtileg helgi framundan

.....

...

2011-11-03T17:15:00.002Z

mér finnst eitthvað ótrúlega fínt við þessa mynd.

fölbleikur veggur og sófi í stíl

DIY dagsins...

Þetta fína ljós er hægt að búa til sjálfur..

Frekari leiðbeiningar HÉR

Gæði?

2011-11-03T16:17:00.001Z

Svona myndi ekki gerast fyrir stólana hans Arne Jacobsen frá Fritz Hansen.

Þeir líkjast þó meira maurum núna hehe!

-Myndir teknar í matarboði hjá vinkonu minni, eftir að stólarnir fóru að hrynja undan fólki-

fikt.

2011-11-02T19:52:00.007Z

Ég er aðeins að fikta í útlitinu á síðunni.

Ekkert endanlegt held ég, var bara komin með svo mikið ógeð á bleika litnum að ég varð að losna við hann
-en-to-tre-

Hvað finnst ykkur?

...

Theresa Sennerholt: Nýtt

2011-11-01T22:27:00.002Z

Nýtt collection frá Theresu Sennerholt var að koma út og allaf jafn flott og fínt.

Ji ég held það sé kominn tími til að ýta á Buy takkann.

Þetta á svo mikið heima á veggjunum heima hjá mér!

Hægt að skoða nánar HÉR

Anything is possible.

2011-11-01T10:22:00.001Z

Stundum elska ég námið mitt fáránlega mikið. Að geta gert allt sem manni dettur í hug.

Max Lamb er breskur hönnuður sem bjó til þetta borð á einum degi.

Það tók hann 6klst að búa til mótið í sandinn, en hann notaði bara eldhúshníf til að útbúa toppinn.

Hann hitaði tinblöndu í stálpottum,

Og hellti svo í sandinn.

Eftir klst var tinið þornað og borðið var grafið úr sandinum.

Voila.

Algjör snilldarhönnun.

Ætla aðeins að skreppa í Nauthólsvík....

90210 : innlit

2011-10-30T19:13:00.001Z

Ég er algjör Beverly Hills sökker og varð mjög glöð þegar ég rakst á þessar myndir frá heimilinu hennar Shenae Grimes aka Annie Wilson.

Ég fíla oftast ekki karakterinn hennar í þáttunum, aðeins of amerísk.

En ágætis smekkur sem stelpan er með, og virkilega flott draumanetin sem hún safnar!

Hvað finnst ykkur?

PS. Svartáhvítu bloggið varð 2ja ára í gær.

Ótrúlegt alveg hreint hvað það geta boðist mörg tækifæri útaf einu litlu bloggi, og ég er virkilega ánægð með það:)

Takk fyrir að lesa!

Hvað á að gera í dag?

2011-10-29T14:05:00.000Z

Í svona leiðindarveðri er fátt betra en að vera menningarlegur og heimsækja söfn.
Í dag kl.15.00 opnar sýningin Hamskipti eftir Sögu Sig og Hildi Yeoman í Hafnarborg.

En fyrir þá sem ekki vita, þá er Saga Sig snilldarljósmyndari og Hildur Yeoman er einn besti tískuteiknari landsins. Og sameina þær hér krafta sína í þessari sýningu sem vert er að sjá!

Og þegar búið er að heimsækja fallega fjörðinn minn þá er um að gera að kíkja við í Hönnunarsafninu í Garðabæ þar sem sýningin Hvít Jól opnaði í gær.

Tekið af síðu Hönnunarsafnsins.

"Norræn jól snúast að miklu leyti um hefðir og hátíðleika. Við höldum gjarnan í fjölskyldusiði þar sem matargerð og borðhald leika stærsta hlutverkið. Á hátíðarborðinu á hver hlutur sinn sess og öllu er tjaldað til. Á sýningunni má meðal annars sjá diska, glös, hnífapör og ílát sem hönnunarsagan hefur skilgreint sem framúrskarandi hönnun og er orðin þekkt víða um heim. Þó hafa margir þessara hluta ekki hlotið þann stað í hugum okkar að þeir eigi heima á uppdekkuðu hátíðarborði."

kATe FoleY

2011-10-26T20:58:00.002Z

Hin breska Kate Foley vinnur við innkaup hjá tískurisanum Opening Ceremony í New York.

Heimilið hennar er vægast sagt töff, enda er hún sjálf töff týpa með meiru sem klæðist bara hælaskóm við hvíta sokka...sem hún setur reglulega í klór til að halda þeim hvítum!

Kate safnar Bearbrick..

Enn meira Bearbrick

Flott týpa.

Fíla hvernig hún blandar saman nýju og gömlu á mjög hráann hátt.

Stórborgarfílingur í'essu.

...

Héðan og þaðan.

2011-10-25T22:55:00.001Z

Trylltir litir, skærbleikt og grátt.

Þessi mynd er í tilefni þess að ég var að passa 2 ketti um helgina.

Það væri ekki frásögu færandi nema það að kisinn ákvað að æla á nýja teppið mitt.

Ætli ég selji það ekki bara í Kolaportinu í desember.
djók.

Svo í tilefni þess að það er meistaramánuður þá má ég til með að mæla með þessari bók HÉR

Góð hugmynd að skipulagsvegg!

hugmyndir..

2011-10-23T20:45:00.003Z

Ef að ég væri að læra grafíska hönnun, en ekki vöruhönnun.

Þá myndi ég breyta bannernum med det samme.

Held það sé kominn tími á hann?

Svo fann þessa á bókasafninu í skólanum, skemmtilegt!

The new kid in town

2011-10-21T16:14:00.003Z

Cupcake Factory er ný snilld sem ég var að finna á Facebook.

Þar er íslensk stelpa að selja allskyns horn til að hengja uppá vegg.

Tékkit át HÉR

Íslensk hönnun: Flothetta

2011-10-21T14:44:00.005Z

Flothettan er hönnuð fyrir fólk til að upplifa vellíðan í vatni, losa um streitu og stuðla að heilbrigði.

Hugmyndin miðar að áhugaverðri upplifun sem sækir innblástur í vatnsauðlegð Íslands og baðmenningu þjóðarinnar.

Unnur Valdís er nýútskrifaður vöruhönnuður frá Listaháskóla Íslands,

og er flothettan verkefni frá námi hennar þar og er núna nýkomin í sölu.

Flothettan fæst í Spark Design Space

Snilld.

Stjörnuþoka.

2011-10-20T17:48:00.004Z

Hinn fullkomni kjóll hefur verið fundinn.

En þessi gordjöss kjóll frá Won Hundred var að koma í GK Reykjavík.

Þá er það bara að redda sér svona fínum rúmfötum frá þessari síðu og þá má veturinn koma.

Og fyrir áhugasama þá er úrval af stjörnuþoku leggings á þessari síðu

...

Flott endurnýting

2011-10-18T20:15:00.001Z

Plastbakkar sem skúffur

Stólbök sem herðartré.

Fínt stöff.

Handsápa

2011-10-18T19:58:00.003Z

Fæst HÉR

algjört brill

Hönnunarsafnari.

2011-10-14T22:15:00.001Z

Það er augljóslega mikill hönnunarunnandi sem býr í þessari íbúð, blanda af nokkrum frægustu hönnunum heims.

Þetta er þó blanda af algengustu hönnunarvörum sem finna má á íslenskum heimilum: Arne, Eames, Trip Trap og Arco lampinn. Þetta virðast vera hin gullnu item sem "gera" heimilið, eða hvað?

Eames lounge chair metal, Hella Jongerius Polder sofa og Arco lampinn

Arne Jacobsen, Grand Prix stóll. Eames og Trip Trap í bakgrunni

Sniðugt að hafa svona skúffur á baðherberginu sem oftast má finna í eldhúsum

Gullfallegur Slow chair eftir Bouroullec bræður

Flottar merkingar á ílátum.

Töff gólf.

Fínt fínt fínt fínt

Tryllt skart.

2011-10-12T23:58:00.003Z

Mikið er ég skotin í skartinu frá Hildi Hafstein

Skartið er innblásið af búddískum malaböndum, menningu síguna og tíðaranda blómabarnanna!

NÆS.

Á vegg...

2011-10-11T14:26:00.002Z

...

Sumir vilja hafa heilu dýrahausana á stofuveggnum

En aðrir bara hornin...

Mjög fínt undir skartgripi.

En þeir sem hvorugt vilja, þá er þetta sniðug hugmynd.

Að búa til hreindýr með föndurteipi!

Svo er þetta mjög flott hugmynd, hægt að endurnýta gömul leikföng

Fótboltaplagöt...

2011-10-07T15:56:00.001Z

Fyrir þá alla hörðustu fótboltaaðdáðendur kemur ekkert annað til greina en að hafa mynd af uppáhalds leikmanninum uppá vegg. Flestir strákar þroskast reyndar uppúr því, eða eignast kærustur sem vilja ekkert með þessi ljótu plagöt hafa.

Því jú, fóboltaplagöt eru oft ansi ljót!

Ég fann hinsvegar þessa snilld á netinu áðan, grafíski hönnuðurinn Zuran Lucic hannaði þessa fallegu postera sem mættu alveg fara uppá vegg á mörgum heimilum.

Verst að það er ekkert Liverpool plagat hér.. hehe

Hægt að skoða fleiri plagöt HÉR

Sápubakaríið

2011-10-05T21:25:00.002Z

Mér finnst þessar sápur svo mikil snilld.

Verst að ég myndi aldrei tíma að nota þær.

Virkilega fín íbúð í Berlín.

2011-10-03T01:17:00.004Z

Ég hef á tilfinningunni að þessar hillur séu gerðar bleikar með yfirstrikunarpenna...?

Fallegir litir í þessari íbúð og guðdómnlega bleikir veggir!

Hún Silke Neumann býr þarna og hægt er að skoða innlitið nánar HÉR ásamt því að lesa viðtal við hana.

XXX

Hang it

2011-10-03T00:48:00.002Z

Ég hef verið í mestu vandræðum nýlega.

Mér þykja stofuveggirnir mínir í nýju íbúðinni vera svo fallegir að ég fæ mig ekki til að negla í þá. Hvítur panell sem þekur veggi og loft.. mmmm

Og því liggja hinar ýmsu myndir í bunkum á gólfinu og stóri Ikea rókókó myndaramminn minn var sendur í fóstur alla leið til Hafnarfjarðar.

En ég er komin með góða lausn!

Ég fékk mér litaða teiprúllu í Epal og núna verður sko leikið sér.

Bíðið bara!

Freistingar...

2011-09-29T22:35:00.002Z

Það er erfitt að standast freistingar en stundum má nú leyfa sér smá.

Það er kominn nýr heimilismeðlimur og bið ég hann hjartanlega velkominn!

Elsku fallega Pinochio teppið frá Hay.

Og þessi dýrindis hálsfesti frá GK sem ég er sannfærð um að færi mér heppni

Oooog á morgun í tilefni föstudags og nýrri sendingu á haustvörum er opið til 20.00 í GK, heitt kakó og meððí og svo fær heppinn gestur glaðning. úllalla mæli með að kíkja við !

Heimilislegt á Austurbrú

2011-09-27T23:32:00.001Z

Hönnuðurinn Christina Halskovs býr í þessari fínu íbúð á Austurbrú í Kaupmannahöfn.

Huggulegur og persónulegur stíll einkennir íbúðina en þar má finna samansafn af ýmsum hönnunarvörum, Ikea hlutum ásamt fjársjóðum sem hún hefur sankað að sér af flóamörkuðum.

Þessar myndir koma frá Bolig magasinet.dk

Mosi

2011-09-27T12:07:00.002Z

Hæ ég heiti Mosi og ég er sætasti baukur í heimi.

Signý Kolbeinsdóttir hannaði þennan ofur krúttaða bauk fyrir MP banka, en hún er snillingurinn bakvið Tulipop merkið.

Hann er í boði fyrir alla krakka undir 12 ára aldri... ég veit ég er 13 árum of gömul en mig langar samt!

sneddý DIY

2011-09-27T12:07:00.001Z

Flott og einfalt.

Hnappur : íslensk hönnun

2011-09-26T11:57:00.003Z

"Hnappur er silfurtala. Hann er hugsaður sem rós í hnappagatið frá gefanda til þiggjanda, við hversdagslegan sigur eða tímamóta atburð."

"Hnappur er saumaður í flík eigandans og verður þannig hluti af flíkinni en minnir um leið á gefandann og það sérstaka tilefni sem hann var gefinn við."

Þessa snilld hannaði Guðrún Theodóra Alfreðsdóttir sem er nemandi í vöruhönnun í Listaháskóla Íslands og er hægt að kaupa hann í Þjóðminjasafnsbúðinni og Mýrinni.

Flottir blómavasar úr pappa

2011-09-24T20:03:00.001Z

Flöskuskeyti er ný vara frá Bility, hannað af Guðrúnu Lilju.

Snilldar blómavasi sem kemur í flötum pakkningum.

Peppigapia netverslun

2011-09-22T09:22:00.000Z

Þessi fínu plagöt er hægt að kaupa á sænsku síðunni Peppigapia HÉR

Hver væri ekki til í að hafa "hello gorgeous" innrammað heima hjá sér!

Það fengi mig til að brosa.

Falleg og stílhrein íbúð

2011-09-19T07:31:00.003Z

Þessi látlausa og stílhreina íbúð er í miðbæ Stokkhólms.

Íbúðin er spónlögð með furu hátt og lágt sem gefur einstaklega hlýtt og heimilislegt yfirbragð.

Flottur marmari á veggnum.

Svefnherbergið eru flott, en heldur mikið stílhreint fyrir minn smekk.

Það gæti mögulega haldist svona fínt í klukkutíma ef að ég ætti heima þarna.

Þvílík tilbreyting frá öllum svarthvítu heimilinum sem að ég kolfell alltaf fyrir!

xxx

20 hangers

2011-09-17T17:06:00.003Z

Þetta flotta fatahengi heitir 20 hangers og er hægt að kaupa HÉR

Flott heimili í DK.

2011-09-14T20:47:00.002Z

Þetta innlit er að finna í nýjasta Elle Decoration UK.

Ibride

2011-09-09T14:51:00.002Z

Ég er mjög skotin í þessum snilldarvasa sem ég sá í Aurum í lok sumars.

Ming vasinn er frá franska hönnunarteyminu Ibride og er hann samsettur úr 6 staflanlegum hlutum.

Nokkrum skálum, disk og litlu íláti. Myndirnar gera reyndar ekki mikið fyrir vasann, en hann er ofsalega pretty.

...

Fallegt.

2011-09-08T15:34:00.000Z

Þessi bókahilla er æðisleg og fatahengið auðvitað líka!

Leiðist þér?

2011-09-05T21:51:00.000Z

Hér eru 2 frábærar hugmyndir til að fríska uppá heimilið en aðeins fyrir þá sem hafa nægann tíma til að drepa.

Að búa til veggskraut úr trélitum er góð hugmynd. Ég myndi velja nokkra liti til að vinna með en ekki allt litarófið. Gæti orðið mjög töff!

Og hér er enn ein biluð hugmynd, að þekja borðplötu með klinki!

Reyndar er þetta mjög slitsterkt og fín nýting á þessu klinki sem enginn nennir að eiga.

(ég á sjálfsögðu bara við 1 krónurnar).

Það eina sem þarf er epoxy sem er hellt yfir eftir margra klst vinnu við að raða klinkinu:)

Leiðbeiningar HÉR

update uppselt í bili

2011-09-04T18:38:00.002Z

Ef að einhver ykkar er jafn spennt/ur og ég fyrir þessum gordjöss IKEA vösum eftir hina einu sönnu Hellu Jongerius, þá hef ég gleðifréttir að færa.

Þeir eru komnir aftur til Íslands (búið að segja mér margoft að þeir myndu aldrei aldrei aldrei koma aftur)

Og ég er viss um að þeir munu renna út eins og heitar lummur!

xxx

wanted.

2011-09-03T22:53:00.000Z

Þessi Eames snagi úr hnotu er að gera mig bilaða.

Hann myndi fullkomna nýju íbúðina mína en ég einhvernvegin get ekki sannfært sjálfa mig að það sé eðlilegt að eyða svona miklum pening í snaga.

Limited edition til febrúar 2011 eða þar til að byrgðirnar klárast.

Sem þýðir bara eitt, núna eða aldrei!

En nýja pleisið er yndislegt. Læt mig dreyma um að geta raðað skónnum mínum svona fínt en þeir eru grafnir ofan í kassa eins og er.

Hvernig á að raða skónum sínum er lúxusvandamál!

Á morgun fer ég í það að búa til fataslá, úr járnstöng og keðjum. Spennó

Og svo læt ég mig líka dreyma um flottann DIY skartgripastand. Verð að komast yfir svona fín horn:)

Og jú svo þrái ég lampann minn aftur sem ákvað að yfirgefa þennan heim í flutningunum og liggur hér í 10.000 molum.